தமிழில் நடிக்க எனக்கு ஆசை தீபிகா படுகோனே

தமிழ் படங்களில் நடிக்க ஆசைவந்திருக்கிறது தீபிகா படுகோனேவுக்கு. ‘‘மாடலாக இருந்தபோது பலமுறை சென்னைக்கு வந்திருக்கிறேன். மெரீனா
பீச் ரொம்ப பிடிக்கும்.  தெலுங்கு படத்தில் நான் நடித்திருந்தாலும் தமிழ் படத்தில் நடிக்கும் வாய்ப்பு அமையவில்லை. ரஜினியுடன் நடிக்க வேண்டும் என்பது நீண்ட நாள் ஆசை. அதேபோல் சூர்யா, விக்ரம் ஆகியோருடனும் நடிக்க ஆசை உள்ளது. தற்போது 2 இந்தி படங்களில் நடித்து வருகிறேன். நடிப்பில் பிஸியாக இருப்பதால் எனது குடும்பத்தினருடன் நேரத்தை செலவழிக்க முடியவில்லை. அதனால் சமீபத்தில் தென்கிழக்கு ஆசிய நாடுகளுக்கு அவர்களுடன் புறப்பட்டுவிட்டேன். இப்படியொரு பயணம் என்பது எனது நீண்டநாள் திட்டம். அது இப்போதுதான் நிறைவேறியது. அதேநேரம் புத்தகம் படிக்கவும், தோழிகளுடன் விளையாடவும் கொஞ்ச நேரத்தை செலவழிக்கிறேன்’’ என்கிறார் தீபிகா.